34 iku tuai rumah di kandang menua Nangka enda setuju MPKK ditumbuh 0 5815

SIBU: Bisi 34 iku tuai rumah panjai ba kandang menua Nangka sepenemu enggaika Majlis Pengurusan Komuniti Kampung (MPKK) ditumbuh ba kandang menua sida.

Nitih ku Chairman Komiti Rumah Panjai Nangka Tuai Rumah (TR) Eddy Jemat madah, Komiti Pengelikun enggau Pemansang Genturung Pendiau (JKKK) udah megai tenggungpengawa enggau manah ngelama tu.

Nya alai, Eddy ngerundingka nyema MPKK nya ditumbuhka semina deka mai penyarut runding ngagai peranak di rumah panjai.

“Kami tuai rumah panjai di kandang menua Nangka endang ngenggaika MPKK ditumbuh ba kandang menua kami,” ku Eddy begulai enggau 33 iku tuai rumah panjai ke bukai dalam siti gempuru di Sibu malam ensanus.

Eddy madah agi, nyema tuju MPKK nya ditumbuh dikena mantu rayat, perintah besai ari baruh pegai Pakatan harapan (PH) ulih mega meri bantu agih belanja nengah JKKK di tetiap rumah panjai.

“Enggau nya, kami bisi belanja tambah dikena ngatur mayuh agi program enggau aktiviti ti terus ulih meri pemaik ngagai komuniti rumah panjai.

“Tang, nama guna numbuhka siti agi MPKK nyema sistem (JKKK) ti bisi ngelama tu nyata udah bejalaika tanggungpengawa enggau manah sereta efektif dalam mantu rayat,” ku iya.

Eddy madah agi, bisi beberapa rumah panjai di kandang menua Nangka udah bisi digusung orang ke dipadahka bisi kaul enggau pengawa numbuhka MPKK tu, lalu sida mega bisi mai pom ke diisi peranak rumah panjai.

“Tang kami enda nerima penatai sida lalu madahka enda besetuju enggau MPKK ditumbuhka,’ ku iya.

Sama sepenemu enggau Eddy iya nya TR Dick Ijau ke alai iya madahka penumbuh MPKK tu enda meri pemaik, tang deka mambarka penyerakup komuniti Iban.

“Pengari rayat kami (Kaban Kunsil Nengeri Dr Annuar Rapa’ee) udah bebendar mai pemansang di kandang menua Nangka nyengkaum di semua rumah panjai.

“Iya udah ngemansangka mayuh infrastruktur ke pengelantang peranak di rumah panjai. Nya alai, nadai kebuah kami nyukung MPKK ditumbuh,” ku iya. – Utusan Borneo Online

Spread the news
Previous ArticleNext Article

Leave a Reply

Your email address will not be published. Required fields are marked *

Wanita trauma dirogol, liwat dan dicederakan akibat hutang 0 12928

Wanita trauma dirogol, liwat dan dicederakan akibat hutang

JOHOR BAHRU: Seorang wanita trauma apabila dirogol, diliwat dan dicederakan temannya sendiri disyaki berikutan pertikaian mengenai hutang, Khamis lalu.

Ketua Polis Daerah Johor Bahru Utara, Asisten Komisioner Rupeah Abd Wahid, berkata dalam kejadian kira-kira jam 4 pagi, mangsa dibawa ke rumah rakannya.

“Kejadian ini membabitkan seorang suspek lelaki dan dua suspek wanita yang juga rakan mangsa. – Berita Harian

Spread the news

Lebih 10 rumah dinaiki air 0 12216

Lebih 10 rumah dinaiki air

KUALA TERENGGANU: Fenomena air pasang besar selain hujan berterusan di sekitar daerah ini semalam menyebabkan lebih 10 rumah penduduk di Kampung Losong Haji Mohd, di sini dinaiki air, malam tadi.

Penduduk yang ditemui di kampung berkenaan memaklumkan air mula naik kira-kira jam 9.30 malam.

Tinjauan NSTP mendapati, beberapa rumah yang terletak berhampiran sungai dinaiki air sehingga paras paha. – Berita Harian

Spread the news